مشکل راہ کا انجام دشوار ہوجاتا ہے

مشکل راہ کا انجام دشوار ہوجاتا ہے
جب کوئی سچا بے اعتبار ہو جاتا ہے

نئے عنوان پر جرح خوب ہوتی ہے
سب حاصل محنت بیکار ہو جاتا ہے

ریل کے انجن کو دجال بنا دیتے ہیں
دیوانہ ابو موسیٰ* زیر تلوار ہو جاتا ہے

ہمیں معلوم نہیں تو سب جھوٹ ہے
سچ جاننے سے پہلے انکار ہو جاتا ہے

ایسی چال چلتے ہیں مال مفت آتا رہے
ان کا منکر یہاں مکار ہو جاتا ہے

تیری سوچوں کا کوئی علاج نہیں سحر
طبیب بن کے آتا ہے بیمار ہو جاتا ہے
(سحر آزاد)


* ابو موسیٰ وہ شخص تھا۔ جس نے امام مسجد کے روپ میں عیسائی راہبوں کا مسلمانوں کو بہکانے کا منصوبہ سن کر سلطان صلاح الدین ایوبی کو اطلاع دی تھی اور سب نے اس کا مزاح اڑایا تھا۔ حوالے کے لیے دیکھیے۔ سلطان صلاح الدین ایوبی